काठमाडौं । चालु आर्थिक वर्ष २०८०/०८१ को नौ महिनामा नेपालको व्यापार घाटा साढे १० खर्ब रुपैयाँ नाघेको छ ।

पछिल्लो नौ महिनामा देशमा ११ अर्ब ६७ अर्ब ३६ करोडको सामान आयात गरिँदा एक खर्ब १३ अर्ब ९४ करोड रुपैयाँको मात्र निर्यात भएको छ । भन्सार विभागका अनुसार, यसरी देशलाई १० खर्ब ५३ अर्ब ४२ करोड रुपैयाँभन्दा बढी व्यापार घाटा भएको हो ।

गत आर्थिक वर्षको यसै अवधिमा नेपालेको व्यापार घाटा १० खर्ब ८३ अर्ब २२ करोड रुपैयाँभन्दा बढी थियो ।

गत वर्षको तुलनामा आयात २.८४ र निर्यात ३.६६ प्रतिशतले घटेको छ । कुल विदेशी व्यापार पनि २.९२ प्रतिशतले घटेको छ ।

आर्थिक वर्षको नौ महिनासम्म आयात र निर्यात दुवै घट्दो अवस्थामा देखिँदा अर्थतन्त्रमा खासै सुधार नभएको संकेत देखिएको छ ।