खेल
![रियाल मड्रिडलाई शीर्ष स्थानमा आठ अंकको अग्रता](https://12khari.top/uploads/posts/Real-Madrihg-1713067314.jpg)
काठमाडौं । स्पेनिस ला लिगामा रियाल मड्रिडले शीर्ष स्थानमा आठ अंकको अग्रता कायम राखेको छ ।
ला लिगाअन्तर्गत शनिबार भएको खेलमा रियालले मायोर्काविरुद्ध १–० को साँघुरो जित निकाल्दै तीन अंक जोडेको हो । रियाललाई जित दिलाउन औरेलियन चुवामेनीले ४८औँ मिनेटमा निर्णायक गोल गरे ।
जितसँगै लिग लिडर रियालले ३१ खेलबाट ७८ अंक जोडेको छ । जुन दोस्रो स्थानको बार्सिलोनाको भन्दा आठ अंक धेरै हो । रियाललाई पछ्याइरहेको चिर प्रतिद्वन्द्वी बार्सिलोनाले समान खेलबाट ७० अंक जोडेको छ ।
ला लिगाको साविक विजेता समेत रहेको बार्सिलोनाले शनिबार नै भएको खेलमा कार्डिजविरुद्ध १–० को जित निकालेको थियो । बार्सिलोनालाई जित दिलाउन जाओ फेलिक्सले ३७औँ मिनेटमा निर्णायक गोल गरे ।
![Global Ime bank](https://baahrakhari.com/uploads/bigyaapan/30885600.gif)
प्रकाशित मिति: आइतबार, वैशाख २, २०८१ ०९:४७
प्रतिक्रिया दिनुहोस्