काठमाडौं । नयाँ वर्ष २०८१ को अवसर पारेर नयाँ चलचित्र ‘भिजिट भिसा’ निर्माणको घोषणा गरिएको छ । छत्रेश्वरी म्यानेजमेन्टको ब्यानरमा निर्माण हुने पारिवारिक सोसल ड्रामा जानरामा निर्माण हुने फिल्मको थिम पोस्टर सार्वजनिक गर्दै निर्माण टिमले सिनेमा घोषणा गरेको हो । 

थिम पोस्टरले पहाड र हिमाली क्षेत्रका बस्ती सहरतिर स्थान्तरण भएको चलचित्र भिजिट भिसाको थिम पोस्टरमा विदेशिने क्रमले गाउँ नै खाली भएको देखाएको छ । 

सिनेमाले पछिल्लो समय लर्को लागेर विदेश जाने प्रवृत्तिलाई पेस गर्ने संकेत निर्माण पक्षले पोस्टरमार्फत् गरेको छ । 

मोती बिष्ट प्रस्तुतकर्ता रहेको यो चलचित्रको निर्माता टोपेन्द्र बिष्ट हुन् । बिराज बिष्टको कथा रहने फिल्ममा यम थापाको पटकथा छ । बिराजले यसअघि फिल्म ‘बुलाकी’ निर्माण गरेका थिए । यो चलचित्रले चलचित्र विकास बोर्डले आयोजना गरेको ‘राष्ट्रिय चलचित्र पुरस्कार २०८०’मा विशेष फिल्मको अवार्ड समेत पाएको थियो ।

चलचित्र निर्माणको घोषणा गरेको निर्माण पक्षले निर्देशक र कलाकारहरू भने तय गरेको छैन । निर्माण टिमका अनुसार फिल्ममा नाम चलेका कलाकार नै साइन गर्ने तयारी छ ।