काठमाडौं । इस्लिङ्टन कलेजले एएए छात्रवृत्ति समारोह २०२४ को आयोजना गर्दै यस शैक्षिक सत्रमा प्राज्ञिक अनुशासन र सहभागिताका क्षेत्रमा उत्कृष्टता हासिल गर्न सफल विद्यार्थीहरूलाई पुरस्कृत गरेको छ । उपस्थिति, हाजिरी र आचरणलाई एकै सुत्रमा बाँध्ने एएए छात्रवृत्तिको उद्देश्य शैक्षिक शुल्कमा शतप्रतिशत छात्रवृत्तिमार्फत  विद्यार्थीहरूलाई शैक्षिक सत्रभर उत्कृष्ट अध्ययन गर्न प्रोत्साहित गर्नु हो ।

छात्रवृत्तिको यस संस्करणमा आवेदकहरूको उत्साहपूर्ण सहभागिता रहेको थियो भने छनोट प्रक्रिया पनि निकै चुनौतीपूर्ण सावित भएको कलेजले जनाएको छ । करिब चार करोड रूपैयाँ पुरस्कार राशीको छात्रवृत्तिका लागि प्राज्ञिक तथा अन्य सम्बन्धित सदस्यहरूले योग्यताका आधारमा १५७ उत्कृष्ट विद्यार्थी छनोट भएका थिए । 

विद्यार्थीहरूको सम्मानमा आयोजित समारोहमा इनोभेट नेपाल ग्रुपका संस्थापक तथा अध्यक्ष शुलभ बुढाथोकीले पुरस्कार प्रदान गरेका थिए ।