site stats
बाह्रखरी :: Baahrakhari
राजनीति
Nabil BankNabil Bank
...त्यसपछि हच्किए देउवा
Sarbottam CementSarbottam Cement

 

काठमाडौं । नेपाली कांग्रेसले अझै उमेदवारको टुंगो लगाउन सकेको छैन । वैशाख १५ गतेको उपनिर्वाचन लागि उमेदवारको टुंगो लगाउन मंगलबार र बुधबार बसेका दुवै बैठक निष्कर्षविहीन रहे ।

संस्थापन पक्ष र संस्थापन इतर पक्ष फरक–फरक उमेदवारको पक्षमा अडिग रहेपछि उमेदवार चयनको विषय कांग्रेसमा थप पेचिलो बनेको छ ।

Prabhu Bank
Agni Group
NIC Asia

पार्टी सभापति शेरबहादुर देउवा पक्ष इलाम–२ मा  डम्बर खड्कालाई उमेदवार बनाउनुपर्ने अडानमा छ । तर, संस्थापन इतर पक्ष भेषराज आचार्यको पक्षमा अडिग छ ।

"हामीले भेषराजको पक्षमा मत राखेका छौँ । तर, सभापति देउवाले इलाम सभापतिमा भेषराजलाई डम्बरले जितेको हो । अस्ति चुनावमा हार्‍यो, उपनिर्वाचन टिकट उसले पाउनुपर्छ भन्नुभयो । तर, हामीले ग्राउन्ड र कार्यकताको इच्छाअनुसार टिकट दिऔँ, भूगोलमा भेषराज बलियो छ भनेर तर्क राख्यौँ," बैठकमा सहभागी संस्थापन इतर पक्षका एक नेताले भने ।

Global Ime bank

आजको संसदीय बोर्डको बैठकमा देउवाले इलाममा खड्का र बझाङमा अभिषेक सिंहलाई टिकट दिन ओपचारिकरूपमै प्रस्ताव ल्याएका थिए । तर, बोर्ड बैठकमा संस्थापन इतर पक्षका नेताहरू एक भएर विपक्षमा उभिएपछि निर्णय हुन सकेन ।

"हामीले विपक्षमा उभिएर आपत्ति जनाएपछि सभापतिज्यू हच्किनुभयो । निर्णय भएन । दुवै पक्षले आफ्नो मत राखेपछि बैठक भोलिलाई सर्‍यो," ती नेताले भने ।

बैठकमा देउवाले इलाम–२ मा खड्काको पक्षमा निर्णय गर्न प्रस्ताव राखेका थिए । जिल्लाबाट प्रदेश हुँदै सात जनाको नाम सिफारिस भए पनि देउवाले पहिलो नम्बरमा सिफारिस आचार्य र तेस्रो नम्बरमा सिफारिस भएका इलाम जिल्ला सभापति खड्काको नाममात्रै प्रस्तुत गरेका थिए ।

तर, देउवाको प्रस्ताव पदाधिकारीहरूले खारेज गरिदिए । बैठकमा सहभागी एक नेताका अनुसार देउवाले खड्का बहालवाला जिल्ला सभापति रहेको र ०७९ को चुनावमा ११४ मतको झिनो मतान्तरले हारेकाले उनलाई नै टिकट दिनुपर्ने तर्क राखेका थिए ।

तर, अरू पदाधिकारीहरूले जिल्ला कार्यसमितिबाटै भएको सिफारिसमा आचार्य १ नम्बर र खड्का तीन नम्बरमा रहेको, जिल्लाबाट आएको रिपोर्टमा आचार्यले जित्ने उल्लेख भएको सहितका कारण देखाएर देउवाको प्रस्ताव खारेज गरेका थिए । सभापतिको प्रस्तावले पार्टीलाई क्षति पुर्‍याउने उनीहरूको तर्क थियो ।

पदाधिकारीका तर्फबाट महामन्त्री विश्वप्रकाश शर्माले दुई जनाको नाममात्रै प्रस्तुत गर्नु नै ठिक नभएको बताएका थिए । उनले जिल्लामा सबै नेताको आआफ्नो भूमिका र योगदान रहेको बताउँदै जिल्लाबाट सिफारिस भएका सबै आकांक्षीको कुरा सुनेर उनीहरूको पनि चित्त बुझाएर निर्णय लिनुपर्ने तर्क राखेका थिए ।

बिहीबारको बैठकमा आकांक्षी उमेदवारलाई राखेर छलफल गर्ने तयारी गरिएको छ । बिहीबार बिहान ९ बजे देउवा निवासमा बोलाइएको छ ।

NIBLNIBL
प्रकाशित मिति: बुधबार, चैत २१, २०८०  २१:३९
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC