site stats
बाह्रखरी :: Baahrakhari
खेल
Nabil BankNabil Bank
ब्याटिङ नचल्दा आयरल्यान्ड वुल्भ्सविरुद्ध नेपाल ‘ए’ २१ रनले पराजित 
Sarbottam CementSarbottam Cement

काठमाडौं । ब्याटिङ नचल्दा आयरल्यान्ड वुल्भ्ससँगको पहिलो एकदिवसीय खेलमा नेपाल ‘ए’ २१ रनले पराजित भएको छ । 

बुधबार कीर्तिपुरस्थित त्रिवि क्रिकेट मैदानमा सम्पन्न खेलमा वुल्भ्सले प्रस्तुत गरेको १५८ रनको लक्ष्य पछ्याउने क्रममा नेपाल २५.३ ओभरमा १३६ रनमै समेटियो ।

Prabhu Bank
Agni Group
NIC Asia

वुल्भ्सविरुद्ध नेपालका चार ब्याटरबाहेक अन्यले दोहोरो अंकमा रन जोड्न सकेनन् । वुल्भ्सका बलरसामु शीर्ष क्रममा ओपनर देव खनालबाहेक अन्यले दोहोरो अंकमा रन थपेनन् । नेपालबाट नवौँ नम्बरमा ब्याटिङका लागि आएका साहब आलमले सर्वाधिक ३७ रन बनाए । साहबले नवौँ विकेटका लागि रिजन ढकालसँग ३४ रनको साझेदारी गर्दै नेपालको इनिङ सम्हाल्ने प्रयास गरेका थिए । रिजन १२ रनमा अविजित रहे । 

यस्तै, ओपनर देवले २६ र छैटौँ नम्बरमा ब्याटिङका लागि मैदान प्रवेश गरेका बसिर अहमेदले २० रन बनाए । नेपालका भीम सार्की र मौसम ढकाल ‘गोल्डेन डक’ भए । नेपाललाई सस्तैमा समेट्न वुल्भ्सका म्याथ्यु हमफ्रेयसले पाँच विकेट लिए । १० ओभर बलिङ गरेको हमफ्रेयसले तीन मेडन फ्याक्दै ३२ रनमात्र खर्चिए । यस्तै, लियम म्याकार्थीले पाँच ओभरमा २९ रन खर्चिएर चार विकेट लिए । 

Global Ime bank

त्यसअघि कमलसिंह ऐरीले ह्याट्रिक लिएपछि टस जितेर ब्याटिङमा आएको वुल्भ्स ३८.३ ओभरमा १५७ रनमै अलआउट भएको थियो । वुल्भ्सका केड कार्माइकलले सर्वाधिक ५१ रन बनाए । उनले ७७ बलमा चार चौका प्रहार गरे । ६१–३ को अवस्थाबाट कार्माइकल कप्तान निल रकसँग ६५ रनको साझेदारी गर्दै वुल्भ्सको इनिङ सम्हालेका थिए । तर, यसपछि लगातार विकेट गुमाउँदा वुल्भ्स सस्तैमा समेटिएको हो । कप्तान रकले ३२ बलमा दुई चौका र तीन छक्कासहित ३९ रन बनाए । पेटर मुरले २१ रन बनाउँदा जेम्स म्याकोलम र स्टेफन डोहेनीले समान १२ रन थपे । 

नेपालका ह्याट्रिकसहित ऐरीले चार विकेट लिए । ६.३ ओभर बलिङ गर्दा उनले एक मेडन फ्याक्दै २१ रन खर्चिए । उनले ३९औँ ओभरको पहिलो, दोस्रो र तेस्रो बलमा लगातार विकेट लिएका हुन् । साहब आलम र मौसमले समान दुई विकेट लिए । यस्तै, रिजनले एक विकेट हात पारे । अब शृंखलाको दोस्रो खेल शुक्रबार र अन्तिम खेल आइतबार हुनेछ ।

NIBLNIBL
प्रकाशित मिति: बुधबार, चैत २१, २०८०  १५:०१
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC