कृषिमा आधुनिकीकरण गर्नेगरी कृषि नीति बनाइरहेका छौँ : मन्त्री ज्वाला

अर्थ व्यवसाय

कृषिमा आधुनिकीकरण गर्नेगरी कृषि नीति बनाइरहेका छौँ : मन्त्री ज्वाला

बुधबार, चैत २१, २०८०

कृषिमा आधुनिकीकरण गर्नेगरी कृषि नीति बनाइरहेका छौँ : मन्त्री ज्वाला

काठमाडौं । कृषि तथा पशुपंक्षी विकासमन्त्री ज्वालाकुमारी साहले कृषिमा आधुनिकीकरण गर्नेगरी सरकारले कृषि नीति बनाइरहेको बताएकी छन् ।

बुधबार काठमाडौंमा आयोजित मकै सम्मेलनलाई सम्बोधन गर्दै उनले यस्तो बताएकी हुन् । उनले नेपालमा मकै धानपछिको दोस्रो धेरै उत्पादन हुने बालीको रूपमा रहेको बताइन् । मकैलाई प्रोत्साहन हुनेगरी र वास्तविक किसानहरूलाई पहिचान दिने, उत्साहित गराउने र सहानुभूति दिनेगरी कृषिमा आधुनिकीकरण गर्ने योजना सरकारको रहेको उनको भनाइ छ ।

उनले नेपालमा मकैको उत्पादन डरलाग्दो रुपमा घटिरहेको जिकिर गरिन् । सरकारले बनाइरहेको कृषि नीतिमा कृषि बालीहरुलाई प्रोत्साहन दिनेगरी कार्यक्रमहरू ल्याउने र मकैलाई बढावा दिनेगरी नीति निर्माण गरिरहेको बताइन् ।