काठमाडौं । नेपाल खो खो संघको आयोजनमा यू–२१ पुरुष तथा महिला राष्ट्रिय खो खो प्रतियोगिता आयोजना हुने भएको छ ।
सुदूरपश्चिम प्रदेशको धनगढीमा हुने प्रतियोगिता चैत २४ देखि २७ गते सम्म सञ्चालन हुनेछ । लिग कम नकआउटको आधारमा हुने प्रतियोगितामा छ प्रदेश कोसी, मधेस, वाग्मती, गण्डगी, लुम्बिनी र सुदूरपश्चिमले सहभागिता जनाउनेछन् ।
प्रतियोगितामा २४ जना प्रशिक्षक र २० जना निर्णायक पनि संलग्न हुनेछन् ।
प्रतियागिताको च्याम्पियनले ट्रफीसहित ५० हजार रुपियाँ प्राप्त गर्नेछ । यसैगरी उपविजेता टिम ३० हजार र तेस्रो हुने टिम २० हजार रुपैयाँको हकदार बन्नेछ । प्रतियोगिताका सर्वश्रेष्ठ चेजर र रनरलाई पनि जनही १० हजार रुपियाँले पुरस्कृत गरिनेछ ।
![Global Ime bank](https://baahrakhari.com/uploads/bigyaapan/30885600.gif)
नेपाल खो खो संघका अध्यक्ष प्रदीप महर्जनले मंगलबार पहिलोपटक उमेर समूहको खो खो प्रतियोगिता आयोजना हुन लागेको जानकारी दिए ।