काठमाडौं । राष्ट्रियसभा सदस्य कृष्णप्रसाद सिटौलाले राष्ट्रियसभालाई सामान्य प्राविधिक रूपमा मात्रै राखेर अगाडि जान नसकिने बताएका छन् ।

मंगलबार राष्ट्रियसभाको बैठकपछि सञ्चारकर्मीहरूसँग कुराकानी गर्दै सिटौलाले राष्ट्रियसभालाई प्रवुद्ध वर्गको भन्ने तर सामान्य प्राविधिक रूपमा मात्रै राखिएको भन्दै यस्तो तरिकाले अगाडि जान नसक्ने बताएका हुन् । उनले कांग्रेस रचनात्मक र बलियो प्रतिपक्षको रूपमा बसेर देशको राजनीतिक कोर्षलाई सही बाटोमा अगाडि बढाउन आवाज उठाउने बताए ।

उनले कांग्रेस संविधान भित्रबाट राज्य सञ्चालन हुनुपर्छ भन्ने मान्यतामा रहेको बताए । राज्य सञ्चालकहरूले जनताको हितमा काम गर्नुपर्ने उनको भनाइ छ । कांग्रेसको तर्फबाट रचनात्मक ढंगले र बलियो प्रतिपक्षको रूपमा नेपालको राजनीतिक कोर्षलाई सही बाटोमा अगाडि बढाउन आवाज उठाउने उनले बताए ।

उनले भने, "जनताको हित संरक्षण जसरी गर्नसक्छौँ भनेर संविधानमा परिकल्पना भएको छ । त्यो कार्यान्वयन हुन सकेको छैन । यथार्थ कुरा हो । समग्र विषयमा हामी गम्भीर छौँ । र गम्भीरतापूर्वक छलफल गर्नेछौँ । राष्ट्रियसभालाई एउटा प्रवुद्ध वर्गको भन्ने अनि सामान्य प्राविधिक रूपमा मात्रै राख्ने तरिकाले राष्ट्रियसभा अगाडि जाँदैन । हामी नेपाली कांग्रेसको तर्फबाट रचनात्मक ढंगले र बलियो प्रतिपक्षको रुपमा नेपालको राजनीतिक कोर्षलाई सही बाटोमा अगाडी बढाउनको लागि जनताको हितमा निरन्तर आवाज उठाइरहने छौँ ।"