काठमाडौं । हङकङमा जारी त्रिदेशीय ट्वान्टी–२० शृंखलाको दोस्रो खेलमा पपुवा न्युगिनी (पीएनजी)विरुद्ध दोस्रो इनिङको पहिलो पावर प्लेमा नेपालले दुई विकेट लिएको छ ।

मंगलबार हङकङको मिसन रोड मैदान मोङकोकमा जारी खेलमा नेपालले दिएको १९९ रनको लक्ष्य पछ्याइरहेको पीएनजीले ६ ओभरको समाप्तिमा दुई विकेट गुमाएर ५७ रन बनाएको छ ।

पीएनजीबाट हाल क्रिजमा रहेका हिरी हिरी १८ र कप्तान असद भाला तीन रन बनाएर खेलिरहेका छन् ।

नेपालका प्रतिश जिसीले एक विकेट लिए । नेपालले अर्को एक विकेट रनआउटबाट हासिल गरेको हो ।

शृंखलमा नेपालको यो दोस्रो खेल हो । यसअघि, नेपाल र हङकङबीचको खेल वर्षाका कारण बिनानतिजा टुंगिएको थियो । पीएनजीको यो पहिलो खेल हो ।