देश
![स्रोत नखुलेको १४ लाख नगद बरामद, एकजना पक्राउ](https://12khari.top/uploads/posts/Note of thousandf1669817599.jpg)
काठमाडौं । प्रहरीले सर्लाहीबाट स्रोत नखुलेको १४ लाख १० हजार रुपैयाँ नगद बरामद गरेको छ । सर्लाहीको लालबन्दी नगरपालिका १४ स्थित लखन्देही खोलामा प्रहरी चौकी पथ्थरकोटबाट खटिएको गस्ती टोलीले स्रोत नखुलेको रकमसहित एकजनालाई पक्राउ गरेको हो ।
जिल्ला प्रहरी कार्यालय सर्लाहीका प्रमुख एसपी दयानिधी ज्ञवालीले प्र.२–०३–०११ प ८३५७ नम्बरको २२० सि.सि. को पल्सर मोटरसाइकलमा अवैध रूपले स्रोत नखुलेको नगद १४ लाख दश हजार रुपैयाँसहित एकजनालाई पक्राउ गरिएको बताए ।
एसपी ज्ञवालीका अनुसार पक्राउ पर्नेमा मोटरसाइकल चालक लालबन्दी १४ का ४६ वर्षका धनबहादुर पाख्रिन छन् ।
प्रहरीले उक्त रकम हुन्डी कारोबारीको हुनसक्ने अनुमान गरेको छ ।
![Global Ime bank](https://baahrakhari.com/uploads/bigyaapan/30885600.gif)
प्रकाशित मिति: शुक्रबार, फागुन १८, २०८० १३:२४
प्रतिक्रिया दिनुहोस्