काठमाडौं । मिटरब्याज तथा ठगीविरुद्ध किसान–मजदुर संघर्ष समितिले काठमाडौंको भृकुटीमन्डपदेखि बालुवाटारसम्म सिठ्ठी जुलुससहित मार्चपास गरेको छ । 

पीडितहरू बिहीबार सिठ्ठी बजाउँदै भृकुटीमन्डपबाट पुतलीसडक, डिल्लीबजार, कमलपोखरी, टंगाल हुँदै बालुवाटार पुगेको संघर्ष समितिका सचिवालय सदस्य अजय कार्कीले बताए । 

मिटरब्याजपीडितलाई ६ बुँदे माग सम्बोधन गर्न सरकारले वार्तामा बोलाएको थियो । तीन पटकसम्म वार्तामा बस्दा पनि कुनै निष्कर्ष नआएपछि समितिले पुनः आन्दोलन गरेको उनको भनाइ छ । 

साहु महाजनले उनीहरूलाई ऋण दिने र उक्त ऋणबापत बढी रकम असुल गर्नुका साथै घरजग्गा समेत आफ्नो नाममा गरेपछि पीडितहरू पैदलयात्रा गर्दै काठमाडौं आएका थिए । 

तस्बिरहरू हेर्नोस्