काठमाडौं । त्रिदेशीय शृंखलाको पहिलो खेलमा नामिबियाविरुद्ध नेपालका विवेक यादव सातौँ विकेटको रूपमा आउट भएका छन् ।

मंगलबार कीर्तिपुरस्थित त्रिवि क्रिकेट मैदानमा नामिबियाले दिएको २०७ रनको लक्ष्य पछ्याइरहेको नेपालले १४.२ ओभरमा विवेकलाई गुमाएको हो । विवेकले नेपाली टिमको स्कोरबोर्डमा पाँच रन थपे । 

जारी खेलको १५ ओभर समाप्त हुँदा नेपालले सात विकेट गुमाएर १३८ रन बनाएको छ । 

त्यसअघि टस जितेर ब्याटिङमा आएको नामिबियाले निर्धारित २० ओभरमा चार विकेट गुमाएर २०६ रनको योगफल खडा गरेको थियो ।