काठमाडौं । त्रिदेशीय शृंखलाको पहिलो खेलमा नामिबियाविरुद्ध नेपालका कप्तान रोहितकुमार पौडेल तेस्रो विकेटको रूपमा आउट भएका छन् ।

मंगलबार कीर्तिपुरस्थित त्रिवि क्रिकेट मैदानमा नामिबियाले दिएको २०७ रनको लक्ष्य पछ्याइरहेको नेपालले ७.३ ओभरमा कप्तान रोहितलाई गुमाएको हो । रोहितले नेपाली टिमको स्कोरबोर्डमा ४२ रन थपे । अर्धशतक बनाउन आठ रनले चुकेका रोहितले २४ बलमा तीन चौका र तीन छक्का प्रहार गरे ।

जारी खेलको आठ ओभर समाप्त हुँदा नेपालले तीन विकेट गुमाएर ८३ रन बनाएको छ । 

त्यसअघि टस जितेर ब्याटिङमा आएको नामिबियाले निर्धारित २० ओभरमा चार विकेट गुमाएर २०६ रनको योगफल खडा गरेको थियो ।