गोदावरी । नेपाली कांग्रेसको महासमित बैठकमा तनाव उत्पन्न भएको छ ।

बिहीबार वाग्मती प्रदेश र गण्डकी प्रदेशको संयुक्त छलफलमा धादिङबाट महासमिति सदस्य रहेका बाबुकृष्ण सापकोटा बोलेका थिए । उनले सभापति शेरबहादुर देउवा र इतर समूहका नेता शेखर कोइरालबीचको सम्बन्ध, सभापतिको व्यवहारको आलोचना गर्दै थिए ।

“गृहलक्ष्मीलाई बेवास्ता गरियो । सभापतिबाट बजारी महिलासँग सम्बन्ध राखेजस्तो अन्यन्त्र सहकार्य गरियो...,” उनले भने । सभापतिको निर्वाचनमा पराजित निकटतमलाई वरिष्ठ नेता दिने प्रचलन हटाइएको विषयमा उनको टिप्पणी थियो ।

सापकोटा आफ्नो भनाइ राखेर मञ्चबाट बाहिरिँदै थिए । त्यसै क्रममा एक महिला आएर भनिन्, “महिलालाई त्यस्तो भन्ने हो ? तपाईंको भनाइ फिर्ता लिनुस्, तत्काल माफी माग्नुस् ।”

सभापतिमण्डलले सापकोटाको भनाइ रेकर्डबाट हटाइएको जानकारी गराएर छलफल अघि बढाइयो । तैपनि, हलको पछिल्लो भागमा होहल्ला र तनाव भइरह्यो । विषय हलबाहिर पुगेर समाधान गर्नुपर्ने अवस्था निम्तिएको थियो । अहिले छलफल जारी छ ।