site stats
बाह्रखरी :: Baahrakhari
खेल
Nabil BankNabil Bank
नेपाल लिग–२ को पहिलो खेलमा नामिबियासँग चार विकेटले निराश
Sarbottam CementSarbottam Cement

काठमाडौं । गेरहार्ड इरास्मसको पाँच विकेटप्रेरित नामिबियाले आईसीसी क्रिकेट विश्वकप लिग–२ को पहिलो खेलमा घरेलु टिम नेपाललाई चार विकेटले निराश बनाएको छ । 

यो हारसँगै घरेलु मैदान भएको एकदिवसीय अन्तर्राष्ट्रिय क्रिकेटमा अपराजित नेपालको यात्रा १६औँ खेलमा आएर टुंगिएको छ । यसअघि नेपालले पछिल्लो पटक सन् २०२२ को नोभेम्बर १४ मा युनाइटेड अरब इमिरेट्स (यूएई)सँग घरमै भएको एकदिवसीय अन्तर्राष्ट्रिय क्रिकेटमा हार बेहोरेको थियो । त्यसयता नेपालले घरेलु मैदानमा भएका १५ खेलमा लगातार जित निकालेको थियो ।

बिहीबार कीर्तिपुरस्थित त्रिवि क्रिकेट सम्पन्न खेलमा नेपालले प्रस्तुत गरेको १३३ रनको लक्ष्य नामिबियाले ३३.१ ओभरमा ६ विकेट गुमाएर भेट्टायो ।

Prabhu Bank
Agni Group
NIC Asia

नामिबियाको जितमा जान फ्रयांकलिनले ३४ रन बनाए । सोमपाल कामीले गरेको २१औँ ओभरको अन्तिम बलमा कुशल भुर्तेलबाट क्याच हुनुअघि फ्रयांकलिने ५३ बलमा चार चौका प्रहार गरे । जान निकोल लोफ्टी–इटोनले ३१ रन बनाए । ८४–५ को अवस्थाबाट इटोनले जेजे स्मिथसँग ४४ रनको साझेदारी गर्दै नामिबियालाई जित नजिक डोहो¥याएका थिए । कप्तान रोहितकुमार पौडेलबाट एलबीडब्लूको धरापमा पर्नुअघि इटोनले ३० बलमा पाँच चौका प्रहार गरे ।

अविजित रहेका स्मिथले १७ रन बनाए । १२८–६ को अवस्थाबाट जितका लागि पाँच रन आवश्यक हुँदा स्मिथले कुशल मल्लको बलमा छक्का प्रहार गर्दै नामिबियाको जित सुनिश्चित गरेका थिए ।

Global Ime bank

ओपनर माइकल भान लिन्गेनले ३३ बलमा २३ रन बनाए । लिन्गेनलाई नेपालका ललितनारायण राजवंशीले ‘सब्सिच्युट’ फिल्डर देव खनालबाट क्याच गराउँदै पभेलियन फर्काएका थिए ।

नामिबियाका ओपनरद्वय लिन्गेन र निकोलास ड्याभिनले ५.३ ओभरमा २७ रनको साझेदारी गर्दै घरेलु टिमविरुद्ध मध्यम सुरुआत दिलाएका थिए । ललितको बलमा कुशल भुर्तेलबाट क्याच हुनुअघि ड्याभिनले १६ बलमा दुई चौकासहित १५ रन बनाए ।

२०.२ मा दुई विकेट गुमाएर ८१ रन जोड्दै नामिबियाले खेलमा पकड बनाएको थियो । तर, सोमपालले २१औँ ओभरको तेस्रो र अन्तिम बलमा दुई विकेट लिँदै नेपाललाई खेलमा फर्काउने प्रयास गरे पनि सफल हुन सकेनन् ।

नामिबियाका कप्तान गेरहार्ड इरास्मसले आठ र जान ग्रीनले दुई रन थप्दा रुवेन ट्रम्पेलम्यान एक रनमा अविजित रहे ।

नेपालका लागि सोमपाल कामीले तीन विकेट लिए । सात ओभर बलिङ गरेका सोमपालले एक मेडन राख्दै ३२ रन खर्चिए । अरु दुई विकेट ललितनारायण राजवंशीको नाममा रह्यो । सात ओभर नै बलिङ गरेका ललितले एक मेडन फ्याक्दै २० रन खर्चिए । एक विकेट लिएका कप्तान रोहितले चार ओभरमा १६ रन खर्चिए ।

त्यसअघि टस हारेपछि ब्याटिङमा आएको नेपाली टिम नामिबियासामु खुलेर खेल्न नसक्दा ४१.१ ओभरमा १३२ रनमै समेटिएको थियो । 

घरेलु मैदानमा भएको एकदिवसीय अन्तर्राष्ट्रिय क्रिकेटमा नेपालले बनाएको यो अहिलेसम्मकै कमजोर योगफल हो । यसअघि नेपालले सन् २०२२ को नोभेम्बर १४ मा युनाइटेड अरब इमिरेट्स (यूएई)विरुद्ध निर्धारित ५० ओभरमा नौ विकेट गुमाएर १७९ रनको योगफल खडा गरेको थियो ।

नेपाली टिमबाट पाँचौँ नम्बरमा ब्याटिङका आएका भीम सार्कीले सबैभन्दा धेरै ४४ रन बनाए । समय लिएर ब्याटिङ गरेका भीमले ८६ बलमा दुई चौका र एक छक्का प्रहार गरे ।

१०.५ ओभरमा ६ रनमा खेलिरहँदा भीमले जिवनदान भएका थिए । नामिबियाका टंगेनी लुगांमेनीले गरेको बलिङमा भीमको प्रहार हावा रहे पनि पाहुना टिमको फिल्डरले क्याचको प्रयास नगरेपछि उनले जिवनदान पाएका थिए । क्याचबाट बचेका भीमले त्यसपछि नेपाली टिमको स्कोरबोर्डमा ३८ रन थपे ।

२१–४ को नाजुक अवस्थाबाट भीमले कुशल मल्लसँग ४६ रनको साझेदारी गर्दै नेपालको इनिङ सम्हाल्ने प्रयास गरेका थिए । तर, स्कोरबोर्डमा ६७ रन छँदा कुशल २२ बलमा एक चौक र एक छक्कासहित १५ रनमा आउट भएपछि भने पुनः नेपालको विकेट पतन शृंखला जारी रह्यो । 

मल्लपछि ब्याटिङका लागि आएका सोमपाल पनि सस्तैमा हिँडे । उनले ६ बल खेल्दा दुई रनमात्र थपे । सोमपाल आउट हुँदा नेपाकलो स्कोरबोर्डमा ७३ रन थियो । यसपछि भीम र गुल्सनले २१ रनको साझेदारी गरे पनि ९४ रन जोड्दा नेपालले भीमलाई गुमायो ।

टिमले १०६ रन बनाउँदा आउट भएका गुल्सनले ३१ बलमा तीन चौकासहित २१ रन बनाए । पवन सर्राफले २२ बलमा एक छक्कासहित १२ रन थपे ।

१०औँ नम्बर ब्याटिङका लागि आएका करणले ३३ बलमा तीन चौकासहित १६ रन थपेपछि नेपाल १३२ को स्कोरसम्म पुगेको थियो । यसबाहेक, नेपालका अन्य ब्याटरको प्रदर्शन सम्झनलायक रहेन ।

ओपनर कुशल भुर्तेल लिग–२ २०४–२७ मै आउट हुने पहिलो ब्याटर बने । आसिफ सेखसँगै ओपनिङमा आएका भुर्तेल इनिङको पहिलो बलमै ‘रोयल डक’ को रुपमा पभेलियन फर्किए । भुर्तेल नामिबियाका रुबेन ट्रम्पेलम्यानको बलमा जेजे स्मिथबाट क्याच भएका थिए । 

क्यानडाविरुद्धको शृंखलामा एक अर्धशतक र एक शतक बनाएका अनिल साह पनि नामिबियाविरुद्ध भने सस्तैमा आउट भए । ६ बल खेलेका अनिलले दुई चौकासहित आठ रन बनाए । अर्का ओपनर आसिफ सेखले ११ बल खेल्दा एक चौकासहित चार रन थपे । कप्तान रोहितकुमार पौडेल १३ बल खेल्दा टिमको खातामा एक रनमात्र थप्न सके । शून्यमा अविजित रहेका ललितनारायण राजवंशीले ११ बलको सामना गरे ।

नेपालविरुद्ध घातक बनेका गेरहार्ड इरास्मसले पाँच विकेट लिए । नेपालको मध्यक्रम र अलराउन्डरलाई धरासायी बनाएका इरास्मसले ८.१ ओभरमा २८ रनमात्र खर्चिए । उनले नेपालका भीम सार्की, कुशल मल्ल, सोमपाल कामी, गुल्सन झा र करण केसीका विकेट लिए ।

यसबाहेक, रुबेन ट्रम्पेलम्यानले १० ओभरमा ३० रन खर्चिएर दुई विकेट लिए । दुई विकेट नै हात पारेका ज्याक ब्रासेलले पाँच ओभरमा एक मेडन फ्याक्दै ११ रन खर्चिए । एक विकेट लिएका जान निकोल लोफ्टी–इटोनले तीन ओभरमा दुई मेडन फ्याक्दै पाँच रनमात्र खर्चिए ।

आजबाट सुरु भएको त्रिदेशीय शृंखलामा नेपाल र नामिबियासँगै नेदरल्यान्ड्स सहभागी छन् । अब नेपालले फेब्रुअरी १७ मा नेदरल्यान्ड्ससँग, २१ फेब्रुअरीमा पुनः नामिबिया र २५ फेब्रुअरीमा नेदरल्यान्ड्ससँग खेल्नेछ ।

NIBLNIBL
प्रकाशित मिति: बिहीबार, फागुन ३, २०८०  १५:१८
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement