काठमाडौं । आईसीसी क्रिकेट विश्वकप लिग–२ मा नामिबियाविरुद्ध नेपालले सातौँ विकेट गुमाएको छ ।

बिहीबार लिग–२ अन्तर्गत त्रिदेशीय शृंखलाको पहिलो खेलमा टस हारेपछि ब्याटिङमा उत्रिएको नेपालले भीम सार्कीलाई सातौँ विकेटका रूपमा गुमाएको हो । भीम २७.४ ओभरमा गेरहार्ड इरास्मसको बलमा एलबीडब्ल्यूको धरापमा परे । भीमले नेपाली टिमको स्कोरबोर्डमा ४४ रन थपे । अर्धशतक बनाउन ६ रनले चुकेका उनले ८६ बलमा दुई चौका र एक छक्का प्रहार गरे ।

जारी खेलको २८ ओभर सकिँदा नेपालले सात विकेट गुमाएर ९४ रन बनाएको छ ।

त्यसअघि, नेपाली टिमको खातामा ओपनरद्वय आसिफ शेख र कुशल भुर्तेलले क्रमशः चार र शून्य रन थपेका थिए । अनिल साह आठ रनमा पभेलियन फर्कंदा कप्तान रोहितकुमार पौडेल एक र कुशल मल्ल १५ रनमा आउट भएका थिए । सोमपाल कामीले दुई रन थपेका थिए ।

यो शृंखलामा नेपालसँगै नामिबिया र नेदरल्यान्ड्स सहभागी छन् ।