काठमाडौं । एनएसजेएफ पल्सर स्पोर्ट्स अवार्ड–२०७९ अन्तर्गत वर्ष उत्कृष्ट महिला खेलाडीको अवार्ड एथलेटिक्सकी राजपुरा पछाईले जितेकी छन् ।

आइतबार काठमाडौंस्थित याक एन्ड यतीमा भएको अवार्ड समारोहबाट एथलेटिक्सकी पछाई वर्ष महिला खेलाडी चुनिएकी हुन् । वर्ष उत्कृष्ट खेलाडी घोषित पछाईले एक थान पल्सर एन–२५० मोटरसाइकल प्राप्त गर्ने छिन् ।

तथ्यांकमा राजपुरा पछाई (एथलेटिक्स) 

– १६औँ एसियन क्रसकन्ट्री च्याम्पियनसिप १० किमिमा रजत पदक,

– १६औँ एसियन क्रसकन्ट्री च्याम्पियनसिप महिला टिममा रजत (पुष्पा भण्डारी र विन्द्राधन्के श्रेष्ठ),

– नवौँ राष्ट्रिय खेलकुद महिला पाँच हजार मिटरमा रजत,

– वीर गणेशमान सिंह र धरान १० किमी रोड रेसमा स्वर्ण,

– कान्तिपुर, पोखरा, लुम्बिनी, इलाम माईपोखरी र प्रधानसेनापति हाफ म्याराथनमा स्वर्ण,

– नेपालगन्ज म्याराथनको पाँच किमी दौडमा स्वर्ण,

– राष्ट्रिय एथलेटिक्समा तीन हजार मिटर दौडमा रजत ।