![क्यानडाविरुद्ध ब्याटिङमा संघर्षरत नेपाल, गुमायो पाँचौँ विकेट](https://12khari.top/uploads/posts/Kushal-Mall-1693402582.jpg)
काठमाडौं । एकदिवसीय शृंखलाको पहिलो खेलमा क्यानडाविरुद्ध ब्याटिङ गरिरहेको नेपालले कुशल मल्ललाई पाँचौँ विकेटका रूपमा गुमाएको छ ।
बिहीबार कीर्तिपुरस्थित त्रिवि क्रिकेट मैदानमा टस जितेर ब्याटिङमा उत्रिएको नेपालले मल्ललाई २९.३ ओभरमा गुमाएको हो । मल्लले नेपाली टिमको स्कोरबोर्डमा २० रन जोडे ।
ब्याटिङमा संघर्षरत नेपालले जारी खेलको ३० ओभर सकिँदा पाँच विकेट गुमाएर १४३ रन बनाएको छ ।
त्यसअघि, नेपालले आसिफ शेख र कप्तान रोहितकुमार पौडेललाई व्यक्तिगत समान आठ रनमा गुमाएको थियो । ओपनर कुशल भुर्तेल ६२ रन बनाएर आउट भएका थिए । भीम सार्कीले आउट हुनुअघि १७ रन जोडे ।
यी दुई टिमले तीन खेलको एकदिवसीय शृंखला खेल्ने तालिका छ । आजको खेलपछि नेपालले शनिबार शृंखलाको दोस्रो र सोमबार तेस्रो खेल खेल्नेछ ।