काठमाडौं । नेपाली कांग्रेसका सांसद तथा पूर्वमन्त्री ज्ञानेन्द्रबहादुर कार्कीले स्वच्छ पत्रकारिता गर्न आग्रह गरेका छन् ।

टेरामक्स प्रकरणमा अख्तियारको सम्पर्कमा नआएको आरोप उनीमाथि लागेको छ । संसद्को हिउँदे अधिवेशनको पहिलो बैठकमा सहभागी हुन पुगेका सांसद कार्कीलाई पत्रकारले राखेको तपाईं हराएको आरोप छ नि भन्ने प्रश्नमा उनले त्यसमा सत्य नभएको भन्दै स्वच्छ पत्रकारिताका लागि आग्रह गरेका हुन् । 

“यसमा कुनै सत्यता छैन, स्वच्छ पत्रकारिता गर्नुस्,” छोटो प्रतिक्रिया दिएका कार्कीले भने, “म पछि बोल्नेछु । तपाईंहरू आफैँ खोज्नुहोस् ।” 

अख्तियारले पटक पटक सम्पर्क गर्दा पनि तपाईं सम्पर्कमा जानुभएको छैन भन्ने छ नि भन्ने प्रश्नको जवाफ समेत नदिई कार्की बाहिरिएका थिए ।