काठमाडौं । पहिलोपटक नेपाली फिचर फिल्म बर्लिन फिल्म फेस्टिभलको अन्तर्राष्ट्रिय विधाततर्फको प्रतिस्पर्धामा छनोट भएको छ । मीन भाम निर्देशित ‘साम्बाला’ बर्लिन फिल्म फेस्टिभलको उक्त विधामा छनोट भएको हो । 

उच्च हिमाली गाउँकी एक गर्भवती महिलालाई श्रीमानले छोडेपछि देवरलाई लिएर उनको खोजीमा हिँड्ने महिलाको कथा सिनेमाको मुख्य विषय रहेको बताइएको छ । यो चलचित्रलाई निर्देशक मीनसँगै अविनाशविक्रम शाहले लेखेका हुन् ।

‘साम्बाला’मा थिन्ले ल्हामो, सोनम तोप्द्न, तेन्जिङ डल्हालगायत कलाकार मुख्य भूमिकामा छन् ।

डोल्पामा छायांकन गरिएको ‘साम्बाला’ १४ करोड रुपैयाँ लगानीमा बनेको निर्माण पक्षले जनाएको छ । 

मीनको पहिलो फिल्म ‘कालोपोथी’ भेनिस फिल्म फेस्टिभलमा प्रिमियर भएको थियो ।