काठमाडौं । इन्टरनेट सेवा प्रदायक वर्ल्डलिंकले ‘स्मार्ट कम्बो डिल’ अफर सार्वजनिक गरेको छ । अफरअन्तर्गत ग्राहकले बोट ब्रान्डको अल्टिमा स्मार्टवाच र बोट एयरडप्स १७० खरिद गर्दा ५० प्रतिशतसम्म छुट पाउन सक्नेछन् ।

चार हजार ४९९ रुपैयाँ बजार मूल्य रहेको बोट स्मार्टवाच दुई हजार २४९ र तीन हजार २९९ बजार मूल्य रहेको बोट एयरडप्स १७० लाई एक हजार ६९९ रुपैयाँमै पाउन सकिने कम्पनीले जनाएको छ ।

यो अफर देशभर रहेका वर्ल्डलिंकका शाखामा उपलब्ध छ । स्मार्टवाचको अफर तीन र १२ महिना सब्सक्रिप्सन लिएका ग्राहकका हकमा लागु हुने कम्पनीले जनाएको छ ।

एयरडप्स १७० भने एक, तीन र १२ महिनाको सब्सक्रिप्सन लिएका ग्राहकका निम्ति उपलब्ध छ ।

वार्षिक सब्सक्रिप्सनमा डुअल ब्यान्ड र नोकिया बिकन १.१ राउटर निःशुल्क पाउने कम्पनीले जनाएको छ ।