काठमाडौं । बर्दियामा नदीमा डुबेर एक महिलाको मृत्यु भएको छ । गुलरिया नगरपालिका–१०, लटकनियाघाटस्थित भादा नदीमा डुबेर महिलाको मृत्यु भएको जिल्ला प्रहरी कार्यालय बर्दियाले जानकारी गराएको छ ।

आज बिहान करिब साढे ११ बजे महिला नदीमा डुबेको सूचना प्रहरीले पाएको थियो । खोजतलास गर्ने क्रममा अन्दाजी ५० वर्षीया महिलाको शव फेला परेको बर्दियाका डीएसपी तुल्सीराम अर्यालले जानकारी दिए ।

ती महिला भारतको निशानगाडा भन्ने ठाउँकी हुन् । प्रहरीका अनुसार, उनको मानसिक सन्तुलन ठिक थिएन । घटनाबारे थप अनुसन्धान जारी रहेको प्रहरीले जनाएको छ ।