काठमाडौं । बैंक तथा वित्तीय संस्था परिसंघ (सिबिफिन) नेपालका अध्यक्ष पवनकुमार गोल्यानले पदबाट राजीनामा दिएका छन् । सिबिफिन कार्यसमितिको १५औँ बैठकले गोल्यानको राजीनामा स्वीकृत गरेको हो । 

एनएमबि बैंकको सञ्चालक समितिबाट अलग हुने निर्णय गरेसँगै उनले राजीनामा दिएका हुन् । गोल्यानकै विशेष अगुवाइमा वि.सं २०७६ सालमा सिबिफिनको स्थापना भएको थियो ।

गोल्यानको राजीनामासँगै रिक्त भएको अध्यक्ष पदमा उपेन्द्र पौडेललाई नियुक्त गरिएको छ । पौडेल नबिल बैंकका अध्यक्ष तथा सिबिफिनको कार्यसमिति सदस्य हुन् ।