![स्वास्थ्य सेवामा उमेरहद ४५ वर्ष तोक्न आयोगलाई चिकित्सक संघको माग](https://12khari.top/uploads/posts/NMA-1695698585.jpg)
काठमाडौं । स्वास्थ्य सेवाका कर्मचारीको उमेरहद ४५ वर्ष तोक्न माग गर्दै नेपाल चिकित्सक संघले लोक सेवा आयोगलाई ज्ञापनपत्र बुझाएको छ ।
प्रदेश र संघबाट खोलिने पदपूर्ति विज्ञापनमा उमेरहद ४५ वर्ष तोक्न मागसहितको ज्ञापनपत्र बिहीबार आयोगका अध्यक्षलाई बुझाएको छ ।
संघीय निजामती सेवाको गठन, सञ्चालन सेवाका सर्तहरू सम्बन्धमा व्यवस्था गर्न बनेको विद्येयक २०७९ को दफा १८ मा रहेको उमेरहदसम्बन्धी व्यवस्थामा आपत्ति जनाउँदै संघले यस्तो माग गरेको हो । सो दफामा उमेदवार हुनका लागि पुरुषको हकमा ३५ वर्ष र महिलाको हकमा ४० वर्ष नकटेको हुनुपर्ने उल्लेख छ ।
नेपाल स्वास्थ्य सेवा ऐन २०५३ को दफा १३ को उपदफा ग मा ४५ वर्ष पूरा भएका तर स्थायी र नियमानुसार नियुक्त भइ निरन्तर पाँच वर्ष सेवा गरेका अस्थायी कर्मचारीको हकमा उमेरहद लाग्ने छैन भन्ने उल्लेख छ ।
सोही ऐनअनुसार संघ र प्रदेशले खोल्ने विज्ञापनमा उमेरहद ४५ वर्ष तोक्ने निर्देशन दिन संघले आयोगलाई अनुरोध गरेको छ ।