काठमाडौं । सरकारले स्वास्थ्य बिमा कार्यक्रममार्फत प्रदान गर्दै आएको चार प्रकारका औषधि ‘सुविधा थैली’बाट हटाएको छ । एम्पिसिलनि/क्लोक्जासिलिन, सेफोपेराजोन/सल्बेक्टम, सेफोटेक्सिम/सल्बेक्टम र सेफोडक्सिम प्रोक्सिटिल एसिडलाई सुविधा थैलीबाट हटाइएको हो ।

यी चारवटै एन्टिबायोटिक औषधि हुन् । औषधि व्यवस्था विभागको ‘सिफारिस नगरिएका औषधि’को सूचीमा रहेकालाई प्रयोग नगर्ने निर्णयानुसार सुविधाबाट हटाइएको स्वास्थ्य बिमा बोर्डले जनाएको छ ।

बोर्डले ती औषधि सिफारिस नगर्न पनि सबै सेवा प्रदायकमा अनुरोध गरेको छ ।

एन्टिबायोटिकको प्रयोग न्यूनीकरण गर्न विश्व स्वास्थ्य संगठनले सन् २०२१ मा १०३ औषधिलाई ‘सिफारिस नगरिएका औषधि’को सूचीमा राखेको छ ।