काठमाडौं । नेपाली कांग्रेसका नेता अर्जुननरसिंह केसीले शेखर कोइराला र गगन थापाबीच कुनै फाटो नआएको बताएका छन् । बुधबार काठमाडौंमा बसेको कोइराला समूहको बैठकपछि बोल्दै उनले आफूहरू लोकतन्त्रवादी भएकाले वाद, प्रतिवाद र संवादको प्रक्रिया भइरहने बताए ।

"गु भित्र कुनै फाटो आएको छैन, हामी लोकतन्त्रवादी हौँ । लोकतन्त्रवादी भनेकै वाद, प्रतिवाद र संवादको प्रक्रिया हो । विचारहरू आउँछन्, विचारमा विमति हुन्छ, कहिलेकाहीँ व्यक्तित्व घर्षण र असन्तुलन पनि देखिन्छ । तर, त्यसलाई छलफल र सहमतिद्वारा नै टुंग्याउनुपर्छ," उनले भने ।

उनले महासमिति बैठक तोकिएकै समयमा हुनुपर्ने पनि बताए । उनले नेपाल भ्रष्टाचारको काण्डले सिंगारिएको भन्दै कांग्रेसले भ्रष्टाचारविरोधी अभियान महासमितिबाट पारित गरेर जनतामा जानुपर्ने बताए ।