site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
ईयू र सेभ द चिल्ड्रेनले भूकम्पपीडितलाई ८०० थान टेन्ट वितरण गर्ने

काठमाडौं । युरोपेली संघ (ईयू) अन्तर्गतको युरोपेली नागरिक सुरक्षा एवं मानवीय अपरेसन (ईसीएचओ)को सहयोगमा सेभ द चिल्ड्रेनले ८०० थान टेन्ट प्राप्त गरेको छ ।

यी टेन्टहरू जाजरकोट र रुकुम पश्चिमका भूकम्प प्रभावित घरपरिवारलाई वितरण गरिने भएको छ ।

मंगलबार काठमाडौंमा आयोजित एक कार्यक्रममा नेपालका लागि ईयूका राजदूत भेरोनिक लोरेन्जोले ती टेन्ट सेभ द चिल्ड्रेनलाई हस्तान्तरण गरेका हुन् ।

जाजरकोट र रुकुम पश्चिम लगायतका जिल्लामा विनाशकारी भूकम्प गएपछि बढ्दो चिसोले हालसम्म तीन बालबाललिकासहित कुल ३२ जनाको मृत्यु भइसकेको छ ।

ईयूबाट उपलब्ध यी टेन्ट राष्ट्रिय विपद् जोखिम न्यूनीकरण तथा व्यवस्थापन प्राधिकरणसँगको समन्वयमा भूकम्प प्रभावित क्षेत्रमा ढुवानी गरिनेछ ।

२३ वर्ग मिटर क्षेत्रफलको बासस्थल प्रदान गर्ने यी टेन्टहरु अग्निरोधक, जलरोधक र स्टोभयुक्त पनि भएकाले यसले प्रयोगकर्तालाई बढ्दै गरेको चिसो छल्न सहयोग पुग्ने बताइएको छ ।

जाजरकोट र रुकुम पश्चिमका भूकम्प प्रभावितका लागि टेन्ट र अन्य सरसामन सहयोग गर्न पाउँदा यूरोपेली संघलाई खुसी लागेको राजदूत लोरेन्जोले बताएकी छन् ।

प्रकाशित मिति: बुधबार, मंसिर २७, २०८०  १८:१८
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro