![फुटपाथ व्यवसायीको पक्षमा उभिन पुगेका ई:लाई स्थानीयको अवरोध](https://12khari.top/uploads/posts/II-1702384132.jpg)
काठमाडौं । फुटपाथ व्यवसायीको पक्षमा ललितपुर महानगरपालिका अगाडि उभिन पुगेका सामाजिक अभियन्ता ईःको कार्यक्रमलाई स्थानीयले अवरोध गरेका छन् ।
फुटपाथ व्यवसायीलाई हटाउने निर्णयविरुद्ध मंगलबार दिउँसो ललितपुर महानगरपालिका अगाडि १०८ मिनेट उभिएर प्रदर्शन गर्न पुगेका ई:लाई स्थानीयले अवरोध गरेका हुन् ।
स्थानीयले 'फुटपाथ पैदलयात्रीको पहिलो अधिकार' लेखिएको ब्यानरसहित विरोध प्रदर्शन गरेका थिए । त्यसक्रममा स्थानीय र ई: समर्थकबीच विवादसमेत भएको थियो ।
ललितपुर महानगरले मंसिर २४ गतेदेखि लगनखेल–मंगलबजार रुटमा फुटपाथ पसल राख्न निषेध गरेको छ ।
![Global Ime bank](https://baahrakhari.com/uploads/bigyaapan/30885600.gif)
यसअघि ई:ले फुटपाथ व्यवसायीलाई विकल्प दिनुपर्ने मागसहित काठमाडौं महानगरविरुद्ध राष्ट्रिय सभागृह अगाडि १९९ घण्टा उभिएर प्रदर्शन गरेका थिए । असोज १० मा काठमाडौं महानगर र ईः बीच सम्झौता भएको थियो ।