काठमाडौं । सामाजिक अभियन्ता ईः ललितपुर महानगरपालिका अगाडि १०८ मिनेट उभिने भएका छन् । अभियन्ता ईःले सोमबार सामाजिक सञ्जाल फेसबुकमा लेख्दै ललितपुरको सपना नमार्न अनुरोध गरेका छन् । 

बिहान–साँझ फुटपाथ बजारहरू हटाउने निर्णयमा पुनर्विचार गर्न ईःले महानगरसँग आग्रह गरेका छन् । ईः भोलि (मंगलबार) दिउँसो ३ बजेदेखि महानगरअगाडि उभिने बताएका छन् ।  

“सहर भनेको कार भएकाहरूको लागि मात्र नभएर सबैका लागि हो भन्ने यलको प्रयासलाई सबैले प्रशंसा गरिरहेका छन्,” ईःले लेखेका छन् । 

उनले विस्थापन नभएर व्यवस्थापन गर्न समेत बताएका छन् । उनले लेखेका छन्, “कर लेउ, गरी खान देऊ’ विस्थापन होइन, व्यवस्थापन गर ।”

यसअघि ईः काठमाडौं महानगरपालिका अगाडि निरन्तर ९ दिनसम्म उभिएका थिए ।