अर्घाखाँची । अर्घाखाँचीको शीतगंगा नगरपालिकामा ट्रक दुर्घटना हुँदा दुईजनाको मृत्यु भएको छ ।

महेन्द्र राजमार्गको शीतगंगा–८, सातमाराको राप्ति पुलनजिकै ना६ख २७३९ नम्बरको ट्रक अनियन्त्रित भइ शनिबार दुर्घटना भएको थियो । 

मृत्यु हुनेमा ट्रकका चालक नवलपरासी (पश्चिम)को रामग्राम नगरपालिका–१८ बस्ने ३१ वर्षीय सञ्जयकुमार चौधरी र सहचालक भोला कुर्मी रहेका जिल्ला प्रहरी कार्यालयका प्रहरी निरीक्षक विक्रम रिजालले जानकारी दिए ।

उनीहरूको जेनस अस्पताल बुटवलमा उपचारका क्रममा मृत्यु प्रहरी निरीक्षक रिजालले बताए । रासस