![दोस्रो एनटीए लिग तेक्वान्दो प्रतियोगिता बिहीबारदेखि](https://12khari.top/uploads/posts/taekwondo-1701250763.jpg)
काठमाडौं । नेपाल तेक्वान्दो संघको आयोजनामा दोस्रो एनटीए लिग तेक्वान्दो प्रतियोगिता बिहीबारदेखि ललितपुरमा सुरु हुने भएको छ ।
संघले बुधबार ललितपुरमा पत्रकार सम्मेलन गर्दै मंसिर १४ गतेदेखि १६ गतेसम्म दोस्रो एनटीए लिग तेक्वान्दो प्रतियोगिता गरिने जानकारी गराएको हो ।
प्रतियोगितामा पुम्से र ग्यरोगीतर्फ गरी ७२ स्वर्णपदकका लागि जम्मा ६५० खेलाडीले सहभागिता जनाउने संघका उपाध्यक्ष भानबहादुर चन्दले जनाए ।
प्रतियोगिताबाट खेलाडीको राष्ट्रिय वरियताक्रम मापन गरी सोहीबमोजिम स्तर र वर्गीकरण गरिने उनले बताए । प्रतियोगितामा नेपाल प्रहरी, सशस्त्र प्रहरी, नेपाली सेना र देशभरका खेलाडीहरुको सहभागिता रहने चन्दले जनाए ।
खेलहरु ललितपुरको सातदोबाटोस्थित तेक्वान्दो संघको केन्द्रीय एकेडेमी भवनमा सञ्चालन हुने संघले जनाएको छ ।