काठमाडौं । हमास र इजरायलबीच भएको युद्धविराम सम्झौताअन्तर्गत थप बन्दी रिहा भएका छन् । 

हमासले बुधबार १० जना इजरायली र दुई थाई नागरिक गरी १२ जनालाई रिहा गरेको हो ।

यस्तै, इजरायलले थप ३० प्यालेस्टाइनी नागरिकलाई रिहा गरेको छ ।

इजरायल र हमासबीचको अस्थायी युद्धविराम सोमबार ४८ घण्टाका लागि लम्बिएको थियो ।

हमासले अक्टोबर ७ मा गरेको आक्रमणमा १२ सय मानिस मारिएका थिए । हमासले २४० जनालाई बन्धक बनाएर गाजामा लगेको बताइएको छ ।

त्यसको बदलामा इजरायलले गरेको आक्रमणमा गाजामा १५ हजारभन्दा बढी मानिस मारिएको त्यहाँको स्वास्थ्य मन्त्रालयले जनाएको छ ।

गाजाका प्यालेस्टाइनीहरूले इजरायल–हमासबीचको युद्धविराम अझै लम्बिने अपेक्षा गरेका छन् ।