काठमाडौं । चीनसँग नजिकको सम्बन्ध रहेका ताइवानका विपक्षी दल विभाजन भएपछि राष्ट्रपतिमा छुट्टाछुट्टै उमेदवारी दर्ता गराएका छन् । यससँगै ताइवानको सत्तारुढ दलका उमेदवार बलियो बन्ने देखिएको छ । 

आउँदो जनवरी १३ मा ताइवानमा राष्ट्रपतिका लागि निर्वाचन हुँदै छ ।

चीनले एकीकरणको माग राख्दै आए पनि ताइवानले आफ्नो सार्वभौमसत्ता दाबी गर्दै आएको छ ।

ताइवानको प्रमुख विपक्षी कुओमिन्ताङ (केएमटी) र सानो ताइवान पिपुल्स पार्टी (टीपीपी)ले साझा उमेदवार उठाउने प्रयास गरेको भएपनि अन्त्यमा अलग अलग उमेदवार दर्ता गरेका हुन् ।

यसरी सत्तारुढ डेमोक्रेटिक प्रोग्रेसिभ पार्टी (डीपीपी)का उमेदवार बलियो बन्ने भएका हुन् ।

केएमटीले होउ यु–इह र टीपीपीले को वेन–जेलाई राष्ट्रपतिको उमेदवार बनाएको छ । केएमटीबाट जा सा–कंङ र टीपीपीका सांसद सिन्थिया वू उपराष्ट्रपतिका उमेदवार बनेका छन् ।

डीपीपीले हालका उपराष्ट्रपति विलियम लाइलाई राष्ट्रपतिको उमेदवार बनाएको छ ।

यस्तै, पूर्वअमेरिकी राजदूत हसियाओ बि–खिम उपराष्ट्रपति पदकी उमेदवार रहेकी छन् ।

स्वतन्त्र रूपमा राष्ट्रपतिका लागि उठ्ने तयारी गरेका एप्पलको प्रमुख आफूर्तिकर्ता फक्सकनका संस्थापक टेरी गोउले भने चुनाव नलड्ने घोषणा गरेका छन् । केएमटी र टीपीपीबीच सहमति हुन नसकेपछि उनले उमेदवारी नदिने निर्णय गरेका हुन् ।

केएमटी र टीपीपी चीनसँग नजिकको सम्बन्ध बनाउने अभियानसहित चुनावमा छन् । सत्तारुढ डीपीपी चीनविरुद्ध कट्टररूपमा उपस्थित छ ।

चीनले यो चुनावलाई शान्ति र युद्ध बीचको छनोटका रुपमा हेरेको छ ।