काठमाडौं । आईसीसी एकदिवसीय विश्वकपको फाइनलमा भारतविरुद्ध ब्याटिङ गरिरहेको अस्ट्रेलियाबाट ओपनर ब्याटर ट्राभिस हेडले अर्धशतक बनाएका छन् ।

भारतको अहमदाबादस्थित नरेन्द्र मोदी रंगशालामा घरेलु टिमले दिएको २४१ रनको लक्ष्य पछ्याइरहेको अस्ट्रेलियाबाट हेडले ५८ बलमा ६ चौका र एक छक्कासहित ५० रन पूरा गरे ।

जारी खेलको २२ ओभर समाप्त हुँदा अस्ट्रेलियाले तीन विकेट गुमाएर ११७ रन बनाएको छ ।

अस्ट्रेलियाबाट हेडसँगै क्रिजमा रहेका मानुर्स लाबुसचेज्नेले २३ रन बनाएका छन् । ४७–३ को कठिन अवस्थाबाट यी दुईले हालसम्म ७० रनको साझेदारी गर्दै अस्ट्रेलियाको इनिङ सम्हालिरहेका छन् ।

त्यसअघि खेलको पहिलो इनिङमा टस हारेर ब्याटिङमा आएको भारतले निर्धारित ५० ओभरमा सबै विकेट गुमाएर २४० रनको योगफल खडा गरेको थियो ।