काठमाडौं । एयर क्वालिटी इन्डेक्स (एक्यूआई)को अवस्था डरलाग्दो भएपछि भारतको दिल्लीको स्थानीय सरकारले सबै क्षेत्रीय खेलकुद प्रतियोगिता र कार्यक्रममा प्रतिबन्ध लगाएको छ ।

वायु प्रदूषणको अनुगमन गर्ने संस्थानको सिस्टम अफ एयर क्वालिटी एन्ड वेदर फोरकास्टिङ एन्ड रिसर्च (एसएएफएआर)का अनुसार शुक्रबार दिल्लीको समग्र एक्यूआई ५०४ रेकर्ड गरिएको थियो । त्यो गम्भीर ‘प्लस’ श्रेणीमा परेको थियो । यो हावाको उच्च सतर्कता स्तर हो ।

आफ्नो ‘एडभाइजरी’मा सरकारले सबैलाई घरबाहिर कुनै शारीरिक गतिविधि नगर्न, प्रदूषणविरोधी मास्क लगाउन, काठ, मैनबत्ती वा धूप नबाल्न र धुलो कम गर्न कोठा सफा गर्न आग्रह गरेको छ ।

दिल्ली विश्वको सबैभन्दा प्रदूषित सहरको सूचीमा परेको छ । दिल्लीका अधिकारीहरूले बढ्दो प्रदूषणका निम्ति छिमेकी राज्यहरू पन्जाब र हरियाणामा पराल जलाउनु रहेको बताएका छन् । सिन्ह्वा/न्युज एजेन्सी नेपाल