काठमाडौं । आईसीसी ट्वान्टी–२० विश्वकप एसिया छनोटमा ओमानविरुद्ध बलिङमा नेपालले बलियो पकड बनाएको छ ।

कीर्तिपुरस्थित त्रिवि क्रिकेट मैदानमा टस जितेर फिल्डिङमा उत्रिएको नेपालले १० ओभर बलिङ गरिसक्दा ओमानको चार विकेट लिएको छ । ओमानले सुरुआती १० ओभरमा ६४ रन बनाएको छ ।

नेपालका सोमपाल कामीले दुई विकेट लिए । करण केसी र गुल्सन झाले समान एक विकेट लिए ।

नेपाल आज लगातार तेस्रो जितसहित समूह ‘ए’को विजेता बन्ने लक्ष्यमा छ ।

नेपालले प्रतियोगिताको पहिलो खेलमा सोमबार सिंगापुरलाई आठ र मंगलबार दोस्रो खेलमा मलेसियालाई ६ विकेटले हराएको थियो ।