काठमाडौं । नेपाल भ्रमणमा रहेका संयुक्त राष्ट्रसंघका महासचिव एन्टोनियो गुटेरेसले नेपालको हिमाली क्षेत्रमा जलवायु परिवर्तनले भयानक प्रभाव पारेको बताएका छन् । विश्वको सर्वोच्च शिखर सगरमाथाको बेसबाट उनले आफूले जलवायु संकटको भयानक प्रभाव देखेको बताएका हुन् ।
उनी सोमबार बिहान नेपाली सेनाको हेलिकोप्टरमा सगरमाथा क्षेत्रमा गएका थिए ।
सगरमाथा अगाडि उभिएर उनले ३५ सकेन्डको भिडियो बनाएर सामाजिक सञ्जाल एक्स (पहिला ट्विटर)मा पोस्ट गरेका छन् ।
“आज सगरमाथाको आधारबाट, म आफैँले हिमालयमा जलवायु संकटको भयानक प्रभाव देखेको छु,” सामाजिक सञ्जाल एक्समा उनले लेखेका छन्, “तापक्रम बढ्दै जाँदा, ग्लेसियर पग्लने क्रम बढ्दै जान्छ– सम्पूर्ण समुदायको जीवन र जीविकोपार्जनलाई खतरामा पार्छ ।”
Today from the base of Mt. Everest, I saw for myself the terrible impact of the climate crisis on the Himalayas.
— António Guterres (@antonioguterres) October 30, 2023
As temperatures rise, glacier melt increases - threatening the lives and livelihoods of entire communities.#ClimateAction can’t wait. pic.twitter.com/Ih12Qb8roi
हिमालयमा रहेका ग्लेसियरहरू रेकर्ड राख्ने गरी पग्लिरहेको उनले जनाएका छन् । ग्रिनल्यान्डमा जस्तै अन्टार्कटिकामा समुद्रको सतह बढ्दै गएको उनले बताएका छन् ।
“यहाँ हामी पहिरो देख्छौँ । समुदायहरू नाटकीय रूपमा प्रभावित भएको देख्छौँ । हामीले यो पागलपन बन्द गर्नुपर्छ । हामीले तापमान वृद्धिलाई १.५ डिग्रीमा सीमित गर्ने कुरा सुनिश्चित गर्नुपर्छ,” महासचिव गुटेरेसले भिडियोमा भनेका छन् ।
उनले जलवायु परिवर्तनका कम गर्न ‘क्लाइमेट एक्सन’लाई अघि बढाउनुपर्ने उल्लेख गरेका छन् ।
-1743849429.jpg)
-1745727458.jpg)
-1745740729.jpg)
