site stats
बाह्रखरी :: Baahrakhari
राजनीति
Global Ime bankGlobal Ime bank
प्रधानमन्त्री प्रचण्ड कोप–२८ सम्मेलनमा सहभागी हुन मंसिरमा यूएई जाने
फाइल तस्बिर।

काठमाडौं । प्रधानमन्त्री पुष्पकमल दाहाल ‘प्रचण्ड’ आगामी महिना खाडी राष्ट्र युनाइटेड अरब इमिरेट्स (यूएई)को भ्रमणमा जाने भएका छन् ।

यूएईको दुबईमा आयोजना हुने जलवायु परिवर्तनसम्बन्धी संयुक्त राष्ट्रसंघको फ्रेमवर्क कन्भेन्सन (कोप)का पक्षहरुको २८औँ सम्मेलनमा सहभागी हुन उनी यूएई जान लागेका हुन् । कोप–२८ आगामी मंसिर १४ देखि २६ गतेसम्म यूएईको दुबईमा हुँदै छ ।

“कोप–२८ मा सहभागी हुनको लागि प्रधानमन्त्रीज्यू आगामी मंसिर महिनामा यूएई जाँदै हुनुहुन्छ । यसको आवश्यक तयारी परराष्ट्र मन्त्रालयले गरिरहेको छ,” प्रधानमन्त्रीको सचिवालय स्रोतले बाह्रखरीसँग भन्यो ।

सम्मेलनमा जलवायु परिवर्तनका प्रभाव कम गर्ने विषयमा छलफल हुनेछ । सम्मेलनमा जलवायु परिवर्तन र यसका असरका बारेमा छलफल गर्न विश्वभरका विज्ञहरु र सरोकारवालाहरु सहभागी हुनेछन् ।

कोप–२८ ले पेरिस सम्झौतामा उल्लिखित विश्वव्यापी प्रयासहरुलाई ठोस रुपमा अगाडि बढाउने लक्ष्य राखेको छ ।

प्रकाशित मिति: सोमबार, कात्तिक १३, २०८०  १५:५०
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro