site stats
बाह्रखरी :: Baahrakhari
खेल
Global Ime bankGlobal Ime bank
विश्वकप छनोटअघिको हारले झस्किएका छौँ : कप्तान रोहित

काठमाडौं । नेपाली राष्ट्रिय क्रिकेट टिमका कप्तान रोहितकुमार पौडेलले ट्वान्टी–२० विश्वकप छनोटअघि युनाइटेड अरब इमिरेट्स (यूएई)सँगको हारले टिमलाई झस्काएको प्रतिक्रिया दिएका छन् ।

नेपालले घरेलु मैदानमा सम्पन्न त्रिदेशीय शृंखलाको फाइनलमा शुक्रबार यूएईसँग चार विकेटको हार बेहोरेको थियो ।

कीर्तिपुरस्थित त्रिवि क्रिकेट मैदानमा नेपालले प्रस्तुत गरेको १६३ रनको लक्ष्य यूएईले १९.५ ओभरमा ६ विकेट गुमाएर पूरा गर्दै शृंखलाको उपाधि जितेको थियो ।

यूएईसँगको खेलपछि रोहितले यो हार घरेलु मैदानमै हुने विश्वकप छनोटअघि नेपाललाई ‘अलार्म’ भएको बताएका हुन् ।

“समग्र खेलबारे भन्नुपर्दा मेरो र दीप्पी दाई (दीपेन्द्रसिंह ऐरी) विकेट महत्वपूर्ण थियो । त्यो विकेट गइसकेपछि रन त्यति बनेन,” रोहितले भने, “अन्तिमको सात आठ ओभरमा ५०–६० रनमात्र बनायौं । १८० भन्दामाथि बनाउन जरुरी थियो । यो हारले हामीलाई झस्काएको नै छ । विश्वकप छनोटअघिको हार हाम्रो लागि अलार्म नै हो । अबको हाम्रो सम्पूर्ण ध्यान विश्वकप छनोट नै हो ।”

विश्वकप छनोटको एसिया क्वालिफायर नेपालमा कार्तिक १३ गतेदेखि सुरु हुँदै छ । छनोटमा कुल आठ टिम सहभागी छन् । जसलाई दुई समूहमा विभाजन गरिएको छ । छनोटबाट फाइनल पुग्ने दुई टिम आगामी वर्ष अमेरिका र वेस्ट इन्डिजमा हुने ट्वान्टी–२० विश्वकपमा छनोट हुनेछन् ।

प्रकाशित मिति: शुक्रबार, कात्तिक १०, २०८०  १८:३२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro