site stats
बाह्रखरी :: Baahrakhari
देश
Global Ime bankGlobal Ime bank
बन्धक बनाएको शिशुको उद्धारमा खटिएका डीएसपीमाथि चक्कु प्रहार
सांकेतिक तस्बिर

काठमाडौं । उद्धारका लागि खटिएका इलाका प्रहरी कार्यालय कोहलपुर बाँकेका प्रहरी नायव उपरीक्षक (डीएसपी) सुन्दर तिवारी आफैँ घाइते भएका छन् । उनीमाथि चक्कु प्रहार भएको हो । 

बाँकेका प्रहरी प्रवक्ता डीएसपी नारायण डाँगीका अनुसार कोहलपुर–२ दीपनगरका कुशल थापाले उनीमाथि चक्कु प्रहार गरेका हुन् । थापाले आफ्नै २० दिनको नवजात छोरालाइ बन्धक बनाएर हत्या गर्न खोजेका प्रहरीले जनाएको छ । उद्धारका लागि खटिएका डीएसपी तिवारीमाथि नै चक्कु प्रहार भएको डीएसपी डाँगीले बताए ।

थापा मानसिक बिरामी भएको खुलेको छ । सोही कारण थापाले आफ्ना परिवारका सदस्यलाइ बाहिर भएको मौकामा नवजात छोराको हत्या गर्ने भन्दै आफ्नै घर भित्र थुनेर राखेका थिए ।

प्रहरीले उनको नवजात छोराको उद्धार गरेको छ । 

प्रकाशित मिति: शुक्रबार, कात्तिक १०, २०८०  १२:३४
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro