site stats
बाह्रखरी :: Baahrakhari
खेल
Global Ime bankGlobal Ime bank
बार्सिलोनाको लगातार तेस्रो जित

काठमाडौं । स्पेनिस क्लब बार्सिलोनाले यूईएफए च्याम्पियन्स लिगमा युक्रेनी क्लब सख्तर डोनेस्कविरुद्ध २–१ को जित निकालेको छ ।

च्याम्पियन्स लिगको जारी सिजनमा बार्सिलोनाको यो लगातार तेस्रो जित हो ।

बुधबार राति सम्पन्न खेलमा घरेलु समर्थकमाझ बार्सिलोनाका फेरान टोरेस र फर्मिन लोपेजले गोल गरे । डोनेस्कका जिओर्जि सुदाकोभले एक गोल फर्काए पनि टिमको हार टार्न भने सकेनन् ।

फेरान टोरेसले खेलको २८औँ मिनेटमा अग्रता बनाएका थिए । फर्मिन लोपेजले ३६औँ मिनेटमा दोस्रो गोल गरे । टोरेसले नै गोलको लागि बनाएको अवसर सदुपयोग गर्दै लोपेजले अग्रता दोब्बर पारेका थिए ।

पाहुना टिमका जिओर्जि सुदाकोभले ६२औँ मिनेटमा गोल गरेपनि त्यो पर्याप्त भएन । बार्सिलोनाका प्रमुख फरवार्ड रोबर्ट लेवान्डोवस्की चोटका कारण यो खेलमा पनि उपलब्ध थिएनन् ।

बुधबार नै भएको समूहकै अर्को खेलमा इभानिल्सनको ह्याट्रिकप्रेरित एफसी पोर्टोले रोयल एन्टवार्पलाई ४–१ ले हराएको छ ।

जितसँगै तीन खेलबाट नौ अंक जोडेको बार्सिलोना समूह 'एच' को शीर्ष स्थानमा छ । यस्तै, ६ अंकसहित पोर्टो दोस्रो, तीन अंकसहित सख्तर तेस्रो र अंकविहीन रोयल एन्टवार्प तालिकाको पुछारमा छ ।

प्रकाशित मिति: बिहीबार, कात्तिक ९, २०८०  ०८:१७
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro