काठमाडौं । दसैँको मुख्य दिन आज विजया दशमी । मान्यजनबाट टीका र आशीर्वाद थापेर मनाइएको छ । नौ दिनसम्म दसैँ घर तथा पूजा कोठामा नवदुर्गाको पूजा आराधना गरी माता दुर्गा भवानीको प्रसादस्वरुप मान्यजनबाट टीका र जमरा ग्रहण गर्दै विजया दशमीमा टीका लगाएर मनाइन्छ । 

साइतमै टीका ग्रहण गर्नेहरुका लागि पञ्चांग निर्णायक समितिले बिहान ११ बजेर २ मिनेटलाई उत्तम साइत तोकेको थियो । यही साइतमा कलाकारले पनि टीका लगाएर विजया दशमी मनाएका छन् । अधिकांश कलाकारले टीका लगाएको तस्बिर सामाजिक सञ्जाल फेसबुकमा पोष्ट गरेका छन् ।