site stats
बाह्रखरी :: Baahrakhari
कला
Global Ime bankGlobal Ime bank
‘बलिदान’को थिम लुक सार्वजनिक, अर्को वर्षको फूलपातीमा रिलिज

काठमाडौं । आसुसेन फिल्म्सको ब्यानरमा निर्माण हुन लागेको चलचित्र ‘बलिदान’को शीर्षकसहितको ‘थिम लुक’ सार्वजनिक गरिएको छ । सन्तोष सेनको निर्माण रहने चलचित्र आज बडादसैँको फूलपातीको अवसर पारेर घोषणा गरिएको हो । 

‘बलिदान’को रिलिज मिति पनि तय गरिएको छ । ०८१ सालको फूलपातीमा चलचित्र रिलिज हुने बताइएको छ । सन्तोष आफैँले निर्देशन गर्ने चलचित्रमा पवन ब्राडफोर्ड विस्ट निर्माता तथा कार्यकारी निर्माता चक्र बहादुर चन्द, प्रेम पुरीलगायत रहेका छन् । 

त्रिभुवन विश्वविद्यालयका प्राध्यापक, लेखक एवम्  साधक दर्शन जीको लेखन रहने यस चलचित्रको ‘स्क्रिप्ट डक्टर’को रूपमा मनोज पण्डित रहेका छन् । 

‘थिम लुक’मा सार्वजनिक सामग्रीअनुसार ‘बलिदान’को कथामा राज्यका अधिकार प्रयोग गर्न सक्ने वर्ग र राज्यबाट किनारा पारिएका वर्गबीच हुने अधिकार तथा राजनीतिक, सामाजिक द्वन्द्व, विभिन्न आन्दोलन र परिणामलाई चित्रण गरिएको छ । 

चलचित्रका निर्माता तथा निर्देशक सेनले यो चलचित्रलाई सार्वभौम महाकथा भनेका छन् । चलचित्रको छायांकन तिहारपछि हुनेछ । 
 

प्रकाशित मिति: शनिबार, कात्तिक ४, २०८०  ०९:२२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
सम्पादकीय
Hamro patroHamro patro