काठमाडौं । इजरायलबाट २५३ नेपाली विद्यार्थी बिहीबार राति नेपाल आइपुगेका छन् । विद्यार्थी त्रिभुवन अन्तर्राष्ट्रिय विमानस्थलमा ओर्लिंदा उनीहरूलाई लिन आफन्तहरू विमानस्थल नै पुगेका थिए । 

विमानस्थलबाट बाहिररहेका उनीहरूको अनुहारमा खुसी स्पष्ट देखिन्थ्यो भने आफन्तलाई भेट्दा भावुक पनि । 

असोज २० गते शनिबार हमास समूहले गरेको आक्रमणमा १० नेपाली विद्यार्थीको मृत्यु भएको थियो । इजरायलमा रहेका नेपालीको उद्धारका लागि सरकारले नेपाल एयरलाइन्सको विमान पठाएको थियो ।