काठमाडौं । एक्स (पूरानो ट्विटर)ले भेरिफाइड प्रयोगकर्ताले मात्रै रिप्लाइ दिनसक्ने गरी पोस्ट गर्न सकिने नयाँ फिचर ल्याएको छ ।

एक्समा पोस्ट गर्दा उक्त पोस्टमा क–कसले रिप्लाई गर्न सक्छन् भन्ने विकल्पमा ‘भेरिफाइड प्रयोगकर्ता’ मात्रैको फिचर थपिएको हो ।

तर, यस किसिमको पोस्ट भेरिफाइड नरहेका प्रयोगकर्ताले पनि गर्नसक्ने सुविधा रहेको छ ।

एक्समा भेरिफाइड हुन अथवा ब्लू टिकमार्क पाउन शुल्क लाग्छ । एक्सको यो नयाँ फिचर थप प्रयोगकर्तालाई शुल्क तिरेर भेरिफाइड हुन प्रोत्साहित गर्ने संकेतका रुपमा हेरिएको छ ।