काठमाडौं । प्यालेस्टाइनको हमास समूहको आक्रमणबाट इजरायलमा १० नेपालीको ज्यान गएको औपचारिक पुष्टि भएको छ । इजरालयमा रहेको नेपाली दूतावासले आतइबार राति एक विज्ञप्तिमार्फत दक्षिण इजरायलको किवुज अलुमिममा आक्रमणबाट १० जना नेपालीको निधन भएको जनाएको हो ।

मृतकको नामको सूचीको छिट्टै सार्वजनिक गरिने दूतावासले जनाएको छ । चारजनाको स्थानीय अस्पतालमा उपचार भइरहेको छ । सम्पर्कविहीन रहेका एकजना नेपालीको खोजी कार्य भइरहेको दूतावासको विज्ञप्तिमा उल्लेख छ ।

• इजरायल आक्रमणमा १० नेपाली मारिएको पुष्टि, अधिकांश सुदूरपश्चिमका

दूतावासले शव नेपाल फिर्ता पठाउने प्रक्रियाको लागि इजरायल सरकारसँग आवश्यक समन्वय गरिरहेको बताएको छ । 

साथै इजरायलमा रहेका नेपालीलाई संयमता अपनाएर दूतावाससँग आवश्यक समन्वय र सहयोग गर्न आग्रह गरिएको छ ।

हमास समूहले शनिबार अचानक इजरायलयमा आक्रमण गरेको थियो । जसबाट ठूलो जनधनको क्षति भएको छ ।