जे नहुनु थियो त्यो भैसक्यो, अब केही हुनु छैन ।
प्रिया न बल्झाउ त्यो घाउ, मलाई फेरि रुनु छैन ।

तिमी आउँछौ भनेर कुर्दै मेरा कैयौँ दिनहरू बिते । 
मलाई फेरि बिछोडपछिको कुनै मिलन छुनु छैन । 

देखेका हर सपना विपनामा कहाँ पूरा हुन्छ र ? 
अधुरो सपनामा आँसु बगाएर फेरि पनि धुनु छैन ।

सधैँ यहीँ मुटु मात्रै ढोका खोलेर बस्छ तिम्रा लागि 
याद गर मेरो मनबाहेक, तिम्रो अर्को कुनै कुनु छैन ।

त्यसैले आऊ अब अन्तिमपटक प्रयास गरी हेरौँ 
वार कि पार हुन्छ बरु, तर तिम्ले झैँ कुरा दुनु छैन ।

बस् आँखामा आँखा जुधाएर वास्तविकता त भन 
फैसला यही भए तिमीसँग, ताते ताते अनि नुनु छैन ।