काठमाडौं । चीनमा जारी १९औँ एसियाली खेलकुदअन्तर्गत पुरुष क्रिकेटमा भारतविरुद्ध नेपालले सन्दीप जोरालाई छैटौँ विकेटका रूपमा गुमाएको छ ।

जेझाङ प्राविधिक विश्वविद्यालयको क्रिकेट मैदानमा भारतले प्रस्तुत गरेको २०३ रनको लक्ष्य पछ्याइरहेको नेपालले १५.४ ओभरमा सन्दीपलाई व्यक्तिगत २९ रनमा गुमाएको हो ।

जारी खेलको १६ ओभरको खेल सकिँदा नेपालले ६ विकेट गुमाएर १४७ रन बनाएको छ । हाल क्रिजमा रहेका सोमपाल कामीले सात र गुल्सन झाले एक रन बनाएर खेलिरहेका छन् ।

त्यसअघि, टस जितेर ब्याटिङमा उत्रिएको भारतीय टिमले निर्धारित २० ओभरमा चार विकेट गुमाएर २०२ रन बनाएको थियो ।