काठमाडौं । चीनको हाङझाउमा जारी १९औँ एसियाली खेलकुदअन्तर्गत पुरुष क्रिकेटमा भारतविरुद्ध नेपालले १०० रन पूरा गरेको छ ।

जेझाङ प्राविधिक विश्वविद्यालयको क्रिकेट मैदानमा भारतले प्रस्तुत गरेको २०३ रनको लक्ष्य पछ्याइरहेको नेपालले १३.२ ओभरमा चार विकेट गुमाएर १०० रन पूरा गरेको हो ।

नेपालबाट हाल क्रिजमा रहेका सन्दीप जोराले १२ र दीपेन्द्रसिंह ऐरीले १५ रन बनाएर खेलिरहेका छन् ।

त्यसअघि, टस जितेर ब्याटिङमा उत्रिएको भारतीय टिमले निर्धारित २० ओभरमा चार विकेट गुमाएर २०२ रन बनाएको थियो ।